19:25 07 Aprel 2021 94
Ana səhifə Xəbərlər

Roma Katolik İcmasının rəhbəri: “Dünyaya göstərək ki, bu torpaqlarda necə dağıntılar törədilib”

“Dini liderlərin bu əraziyə səfəri ideyasını irəli sürdüyünə və səfərin təşkilinə görə Qafqaz Müsəlmanları İdarəsinin sədri Şeyxülislam Allahşükür Paşazadəyə təşəkkürümü bildirirəm”.

APA TV-nin məlumatına görə, bunu jurnalistlərə açıqlamasında Ağdamda səfərdə olan Azərbaycandakı Roma Katolik İcmasının rəhbəri Vladimir Fekete bildirib.

Roma Katolik İcmasının rəhbəri deyib ki, bütün azərbaycanlılar bu torpaqlara gəlmək istəyir: “Səfərin əsas məqsədi bu torpaqların azad edilməsi uğrunda döyüşlərdə həlak olmuş gənc insanlara, bütün zərər çəkmiş insanlara dualar oxumaqdır. Bu torpaqları bərpa etmək, Azərbaycanı gözəl məkana çevirmək böyük işdir. Bizim missiyamız dua etməkdir. Dua etməliyik ki, Allah bizim Prezident İlham Əliyevə, dövlətin rəhbərliyinə kömək olsun, bu torpaqlar ildən-ilə inkişaf etsin, çiçəklənsin, cənnətə çevrilsin. Bütün dünyaya da göstərək ki, bu torpaqlarda necə dağıntılar törədilmişdi və Allahın köməyi ilə bu əraziləri necə bərpa etdik”.

Müəllif | Apa.Tv

Apa.tv

Kodu kopyalayın