16:52 26 May 2020 1251
Ana səhifə Xəbərlər

Qonaq getdiyi qohumunun evindən pul və qızıl oğurladı – ASTARADA

Astarada qonaq getdiyi qohumunun evindən pul və qızıl oğurlayan qadın saxlanılıb.

APA TV-nin cənub bürosunun verdiyi məlumata görə, Astara şəhər sakini Turab Ağayev polisə müraciət edərək, evindən 10 000 manat pulun və 1160 manat dəyərində qızıl-zinət əşyalarının oğurlandığını bildirib.

Astara Rayon Polis Şöbəsi əməkdaşlarının keçirdiyi əməliyyat-axtarış tədbirləri nəticəsində oğurluğu törətməkdə şübhəli bilinən şəxsin ev sahibinin qohumu, Ərçivan qəsəbə sakini olan qadın olduğu müəyyən edilib və o saxlanılıb. Oğurlanmış pul və qızıl-zinət əşyaları ondan aşkar edilərək, maddi sübut kimi götürülüb.

Faktla bağlı araşdırma aparılır.

Müəllif | Apa.Tv

Apa.tv

Kodu kopyalayın