12:17 04 Avqust 2020 327
Ana səhifə Xəbərlər

Masallıda evdən oğurluq edən şəxslər həbs edildi

Masallıda tanışı ilə birlikdə həmkəndlisinin evindən oğurluq edən rayon sakini saxlanılıb.

APA TV-nin cənub bürosundan verilən məlumata görə, rayonun Sığıncaq kənd sakini Şahin Sarxanlıya məxsus yaşayış evindən gecə saatlarında dəyəri 5600 manat olan 2 ədəd televizorun, 1 ədəd mikrodalğalı soba və digər elektrik avadanlıqlarının oğurlanması ilə bağlı polisə müraciət edilib.

Keçirilən əməliyyat-axtarış tədbirləri ilə oğurluğu törətməkdə şübhəli bilinən Sığıncaq kənd sakini Elbrus Kazımov və Cəlilabad rayonunun Göytəpə şəhər sakini Həsənağa Abızadə saxlanılıb.

Oğurladıqları 2 ədəd televizor onlardan aşkar edilərək maddi sübut kimi götürülüb.

Faktla bağlı araşdırma aparılır.

Tural Kərimov

Rövşən Əzimov

APA TV

Müəllif | Apa.Tv

Apa.tv

Kodu kopyalayın