Zaqatalada postu meşə yolu ilə keçməyə cəhd edən şəxs yaxalandı
Zaqatalada postu meşə yolu ilə keçməyə cəhd edən şəxs saxlanılıb.
APA TV-nin məlumatına görə, karantin rejimi qaydalarının təmin olunması məqsədilə rayon Polis Şöbəsinin əməkdaşları tərəfindən tədbirlər davam etdirilir.
Belə ki, Zaqatala və Qax rayonları arasında yaradılan postda “Mercedes” markalı yük avtomobili saxlanılıb. Yoxlanış zamanı sürücü, Ağdam rayon sakini Aqil Hətəmovun hərəkəti üçün icazəsi olsa da, sərnişin Tərtər rayon sakini Paşa Məmmədovun icazəsinin olmadığı müəyyən olunub.
Avtomobildən düşürülən Paşa Məmmədov meşə ilə qaçaraq postu keçməyə və gəldiyi yük avtomobili ilə yoluna davam etməyə cəhd edib. Ancaq polislərin çevikliyi nəticəsində o, və yük avtomobilinin sürücüsü saxlanılaraq Polis Şöbəsinə gətiriliblər.
Karantin rejimi qaydalarını pozduqları üçün onların barəsində qanunauyğun tədbirlər görülüb.
Apa.tv
OXŞAR XƏBƏRLƏR
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
