Zaqatalada minik avtomobili yoldan çıxaraq aşdı
Zaqatalada minik avtomobili aşıb, üç nəfər xəsarət alıb.
APA TV-nin yerli bürosunun məlumatına görə, hadisə səhər saat 8 radələrində Zaqatala-Muğanlı avtomobil yolunun Aşağı tala kəndi ərazisindən keçən hissəsində baş verib.
Hərəkətdə olan “Opel” markalı minik avtomobili idarəetmədən çıxaraq aşıb.
Qəza zamanı avtomobildə olan 3 nəfər xəsarət alıb. Yaralılar Zaqatala Rayon Mərkəzi Xəstəxanasına (RMX) yerləşdiriliblər.
Yaralılardan ikisi qardaşdır. Onlar rayonun Üçüncü Tala kənd sakinləri - 1985-ci il təvəllüdlü Cuma Nizami oğlu Xəlilov və 1992-ci il təvəllüdlü Rəsul Nizami oğlu Xəlilovdur. Digər yaralının isə Qax rayon sakini olduğu bildirilir.
Zaqatala RMX-dan bildirilib ki, Yaralılardan Rəsul Xəlilovun üzərində cərrahiyyə əməliyyatı aparılıb vəziyyəti orta-ağır, digərlərinin vəziyyəti orta-stabil qiymətləndirilir.
Faktla bağlı Zaqatala Rayon Polis Şöbəsində araşdırma aparılır.
Apa.tv
OXŞAR XƏBƏRLƏR
İlham Əliyev Rusiyanın Çeçenistan Respublikasının başçısını qəbul etdi
Şübhəli binada əməliyyat: 1 nəfər dedilər, amma yerin altından 8 nəfər çıxdı
Bakının yaddan çıxan təbiət guşəsi – “Pitomnik”dən REPORTAJ
Prezident Xəzər Ekoloji Sammitinin geniş tərkibdə iclasında çıxış edib
İlham Əliyev MDB Dövlət Başçıları Şurasının məhdud tərkibdə iclasında iştirak etdi
