Yollar buz bağladı, avtomobillər yolda qaldı – SÜRÜCÜLƏRƏ XƏBƏRDARLIQ
İsmayıllı və Şamaxı rayonlarına qarın yağması nəqliyyatın hərəkətində çətinlik yaradıb.
APA TV-nin yerli bürosunun xəbərinə görə, şaxtalı hava səbəbindən ötən gecə Muğanlı-İsmayıllı dolayları, Ağsu aşırımı, Şamaxı-Pirqulu və Şamaxı-Göylər, eləcə də İsmayıllı-Lahıc yolu buz bağlayıb. Nəticədə sürücülər yolda qalıb.
Muğanlı-İsmayıllı yolunun buz bağlaması səbəbindən burada nəqliyyatın hərəkəti məhdudlaşıb. Həmin yolda 50-dən çox maşın qalıb. Yollarda hərəkət edə bilməyən sürücülər geri qayıtmaq məcburiyyətində qalıb.
Sürücülər deyir ki, yollara qum-duz qarışığı səpilsə də, təkrar şaxtalı hava yolda buzlaşmaya səbəb olub.
Əraziyə cəlb edilən Yol İstismar İdarəsinin işçiləri buz bağlayan ərazilərə yenidən qum-duz qarışığı səpib. Lakin axşam saatlarına doğru temperaturun aşağı düşməsi və şaxtalı havanın olması nəzərə alınaraq, sürücülərə ehtiyatlı olmaları və alternativ yollardan istifadə etmələri məsləhət görülür.
Apa.tv
OXŞAR XƏBƏRLƏR
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
Azərbaycandan tranzit keçməklə Ermənistana propan və gübrə göndərilib
Ordubadda yerləşən bu kəndin adının mənası “yox-yox” deməkdir
Ceyhun Bayramovdan Sülh sazişinin imzalanması ilə bağlı mühüm açıqlama
