YAP Zaqatalada zona müşavirəsi keçirib
Zaqatalada Yeni Azərbaycan Partiyasının (YAP) Zaqatala, Balakən və Qax rayon təşkilatlarının ərazi ilk partiya təşkilatlarının sədrləri və partiya fəallarının iştirakı ilə müşavirə keçirilib.
APA TV-nin şimal-qərb bürosunun məlumatına görə, tədbir iştirakçıları əvvəlcə ümummilli lider Heydər Əliyevin abidəsini ziyarət edib.
Baş Nazirin müavini, YAP sədrinin müavini Əli Həsənov çıxış edərək dövlətçiliyin möhkəmləndirilməsi, vətəndaşların həyat şəraitinin inkişaf etdirilməsi məqsədilə ölkədə mühüm işlər görüldüyünü diqqətə çatdırıb.
Partiyanın sıralarında 750 minə yaxın vətəndaşın ölkəmizin qazandığı nailiyyətlərin təbliği işinə dəstək verdiyini vurğulanıb.
Digər çıxış edənlər müstəqil Azərbaycanın etibarlı gələcəyinin təməlində Ümumilli lider Heydər Əliyev siyasətinin dayandığını, Prezident İlham Əliyevin rəhbərliyi ilə YAP-ın bu gün də Azərbaycanın inkişafına töhfələr verdiyini qeyd ediblər.
Sonda YAP sıralarına yeni qoşulmuş bir qrup şəxsə üzvlük vəsiqələri təqdim olunub.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
