Vətən Müharibəsində fədakarlıq göstərən jurnalistlər mükafatlandırıldı
Vətən Müharibəsi Əlillərinə Kömək İctimai Birliyinin təşkilatçılığı ilə Milli Mətbuatın 146-cı ildönümü münasibətilə 44 günlük Vətən Müharibəsində xüsusi fədakarlıq göstərən jurnalistlərin mükafatlandırılması mərasimi keçirilib.
APA TV-nin xəbərinə görə, tədbir dövlət himninin ifası ilə başlanıb. Daha sonra 44 günlük müharibədə şəhid olan Vətən övladlarının xatirəsi bir dəqiqəlik sükutla yad edilib.
Mərasimdə Milli Məclisin deputatları, dövlət qurumlarının mətbuat xidmətlərinin rəhbərləri, media qurumlarının baş redaktorları və Vətən Müharibəsi Əlillərinə Kömək İctimai Birliyinin nümayəndələri çıxış edərək Azərbaycan mətbuatının tarixinə nəzər salıblar.
Daha sonra mərasimdə şəhid Xudayar Yusifzadənin ifa etdiyi “Xudayar” təsnifi ifa edilib.
Sonda tədbirdə iştirak edən jurnalistlərə Vətən Müharibəsində xüsusi fədakarlıq göstərdiyinə görə, birlik tərəfindən mükafat və hədiyyələr verilib.
Qeyd edək ki, mükafatlandırılan jurnalistlər arasında “APA GRUP”un əməkdaşları da olub.
Apa.tv
OXŞAR XƏBƏRLƏR
Azərbaycan və Türkmənistan prezidentləri Füzuli şəhərinin dağıdılmış yerlərinə baxıblar
Prezidentlər Şuşada inşa edilmiş birinci yaşayış kompleksində olublar
Türkmənistan Prezidenti Sərdar Berdiməhəmmədov Füzuli rayonuna gəlib
Prezident İlham Əliyevin Türkmənistan Prezidenti ilə geniş tərkibdə görüşü olub
Azərbaycan ilə Türkmənistan arasında imzalanmış sənədlər mübadilə olunub
