Usta işlədiyi evdən 15 min manatlıq qızıl oğurladı - ŞAMAXIDA
Şamaxıda mənzildən oğurluq edən şəxs tutulub.
APA TV-nin yerli bürosunun xəbərinə görə, Şamaxı şəhəri, Hüseyn Cavid küçəsi ev 19A, mənzil 2 ünvanında yaşayan Mustafa Mamedzadə polis şöbəsinə müraciət edərək ona məxsus evdən ümumi dəyəri 14 min 650 manat olan qızıl-zinət əşyalarının oğurlanması barədə məlumat verib.
Keçirilən əməliyyat-axtarış tədbirləri zamanı hadisəni törətməkdə şübhəli bilinən Ağdam rayonunun Muradbəyli kəndindən olan məcburi köçkün, Şamaxıda yataqxanada məskunlaşan, 1995-ci il təvəllüdlü Ruslan Nağıyev saxlanılıb.
Araşdırma zamanı məlum olub ki, o, usta kimi həmin evdə istilik sistemini təmir edərkən yataq otağından qızıl-zinət əşyalarını oğurlayıb.
Faktla bağlı cinayət işi açılıb, araşdırma aparılır.
Şahnəzər Bəşirov
APA TV
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
