Ukraynanın gözlənilməz qonaqları: hökumət başçıları nəyə gedib?
Polşa, Çex Respublikası və Sloveniya hökumət başçıları Kiyevə gedir.
APA TV xəbər verir ki, bu barədə Çex Respublikasının Baş naziri Petr Fiala "Twitter"də bildirib.
"Polşanın Baş naziri Mateuş Moravietski, baş nazirin müavini Yaroslav Kaçinski və Sloveniyanın baş naziri Janez Yanşa ilə birlikdə biz bu gün Avropa İttifaqı Şurasının nümayəndələri kimi Prezident Zelenski və Baş nazir Şmıqalla görüşmək üçün Kiyevə gedirik”, - deyə o qeyd edib.
Baş nazirin sözlərinə görə, səfər Avropa İttifaqı Şurasının sədri Şarl Mişel və Avropa Komissiyasının prezidenti Ursula von der Leyen ilə məsləhətləşmələr əsasında təşkil olunub. Səfərin məqsədi Avropa İttifaqının Ukraynaya, onun azadlığı və müstəqilliyinə birmənalı dəstəyini ifadə etməkdir.
“Eyni zamanda, səfər zamanı Ukrayna və onun vətəndaşlarına geniş dəstək paketi təqdim edəcəyik. Bu səfərlə bağlı Birləşmiş Millətlər Təşkilatı da daxil olmaqla beynəlxalq təşkilatlar, o cümlədən beynəlxalq ictimaiyyət məlumatlandırılıb”, - deyə Baş nazir vurğulayıb.
Apa.tv
OXŞAR XƏBƏRLƏR
İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev İslam İnkişaf Bankı Qrupunun sədrinə “Dostluq” ordenini təqdim edib
“Halal iqtisadiyyat və İslam maliyyəsi: yeni imkanlar” – MÜSAHİBƏ
IsDB-nin İllik Toplantıları çərçivəsində bir sıra maliyyə və investisiya sazişləri imzalanıb
Prezident İlham Əliyev ABŞ Konqresinin Nümayəndələr Palatasının üzvünü qəbul edib
