Ukraynada 33 mülki obyektə zərbələr endirilib
Ukraynada ötən sutka ərzində 33 mülki obyektə zərbələr endirilib.
APA TV xəbər verir ki, bu barədə Ukrayna daxili işlər nazirinin sözçüsü Vadim Denisenko açıqlama verib.
“Rusiya Ordusunun hücumu zamanı son sutka ərzində 2 uşaq ölüb”, - deyə o bildirib.
Ukrayna Prezidenti Vladimir Zelenskinin ofis rəhbərinin məsləhətçisi Mixail Podolyak isə Rusiyanın Ukraynaya müdaxiləsinin əsas məqsədinin Zelenskini məhv etmək olduğunu açıqlayıb.
O, Prezidentin hələ də Kiyevdə qaldığını söyləyib. Podolyak Kiyevdə yanacaqla bağlı problemin olduğunu və limit tətbiq edildiyini də vurğulayıb.
Bu arada Gürcüstanın Baş naziri İrakli Qaribaşvili ölkəsinin Rusiyaya qarşı tətbiq ediləcək maliyyə və iqtisadi sanksiyalara qoşulmayacağını açıqlayıb.
Onun sözlərinə görə sanksiyalara qoşulması ölkəyə və əhaliyə zərər vura bilər. Baş nazir qeyd edib ki, sanksiyalara qoşulmamaq qərarı milli maraqlar əsasında qəbul edilib.
Apa.tv
OXŞAR XƏBƏRLƏR
15 iyun - Milli Qurtuluş Günü: Azərbaycanın taleyini dəyişən ZƏFƏR TARİXİ
15 İyun: Xalqın Ümid, Dövlətin Xilas Günü
Azadlığından sonra Ağdam və Füzulidə ilk dəfə son zəng çalınıb
Bakıda 45 nömrəli məktəb məzunlarını yola saldı - Sonuncu zəng çalındı
Elm və Təhsil Naziri Gəncədə “Son Zəng” tədbirində iştirak edib
