Üç rayonda silsilə oğurluqlar edən dəstə ələ keçdi
Hacıqabulda 3 rayonda silsilə oğurluq edən qohumlar saxlanılıb.
DİN-in Mətbuat Xidmətinin Şirvan regional qrupundan APA-nın Mil-Muğan bürosuna verilən məlumata görə, Hacıqabul rayon polis şöbəsinin əməkdaşları tərəfindən keçirilən əməliyyat-axtarış tədbirləri nəticəsində rayon ərazisində yerləşən 4 fərdi təsərrüfatdan xırda buynuzlu heyvanları oğurlayaraq zərərçəkmişlərə maddi ziyan vuran 4 nəfərdən ibarət dəstə üzvləri saxlanılıb. Araşdırmalarla onların Bərdə rayon sakinləri, 1986-ci il təvəllüdlü Vəliyev Etibar İsbəndiyar oğlu, onun qardaşı oğlu 1998-ci il təvəllüdlü Vəliyev Tahmasib Baylar oğlu, bacısı oğlu 1994-cü il təvəllüdlü Quliyev Hüseyn İlham oğlu və sürücü olan həmyerlisi 2002-ci il təvəllüdlü Əliyev Elşad Kamil oğlu olduqları müəyyən edilib. Həmin şəxslərin ətrafında aparılan əməliyyat tədbirləri nəticəsində onların daha iki rayon ərazisində - Kürdəmir və Bərdə rayonlarında ümumilikdə 4 təsərrüfatdan iri və xırda buynuzlu heyvanları oğurlayaraq dəyərindən ucuz qiymətə satdıqları və zərərçəkmişlərə maddi ziyan vurduqları müəyyən edilib. Dindirilmə zamanı həmin şəxslər törətdikləri oğurluqları etiraf ediblər.
Faktla bağlı Hacıqabul RPŞ-nin istintaq bölməsində cinayət işi açılıb, araşdırmalar davam etdirilir.
Apa.tv
OXŞAR XƏBƏRLƏR
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
İlham Əliyev Rusiyanın Çeçenistan Respublikasının başçısını qəbul etdi
Bakının yaddan çıxan təbiət guşəsi – “Pitomnik”dən REPORTAJ
