Türkiyədə azərbaycanlı sürücü uçqun altında qalıb öldü - APA TV
Türkiyənin Artvin bölgəsində güclü yağışlar sürüşməyə səbəb olub.
APA TV İHA-ya istinadən xəbər verir ki, Kamalpaşa rayonunda qaya parçaları və torpaq dağdan sürüşərək magistral yola tökülüb.
Hadisə zamanı yoldan keçən TIR-lara ciddi ziyan dəyib.
Beynəlxalq Avtomobil Daşıyıcıları Assosasiyasındanverilən məlumata görə, uçqun zamanı azərbaycanlı sürücü həlak olub.
Hadisə zamanı Türkiyə vətəndaşları olan daha iki TIR sürücüsü xəsarət alıb: “Vəfat edən sürücümüzün kimliyini müəyyən etmək istiqamətində ABADA tərəfindən işlərə başlanılıb”, - deyə məlumatda qeyd olunub.
Sürüşmə nəticəsində Qara dəniz sahilində Türkiyə-Gürcüstan beynəlxalq magistralı da ikitərəfli bağlanıb.
Bölgəyə xeyli sayda təcili yardım, xilasetmə qüvvələri cəlb olunub.
Qeyd edək ki, bundan əvvəl də bölgədə sürüşmələr baş verib.
Apa.tv
OXŞAR XƏBƏRLƏR
XİN-dən hücuma uğrayan gəmidəki azərbaycanlılarla bağlı AÇIQLAMA
Azərbaycan və Rusiya xarici işlər nazirlərinin görüşü olacaq
Prezident: Paytaxtı Şərqi Qüds olan Fələstin dövlətini dəstəkləyirik
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
