Türkiyə "AKINCI"-da lazerlə idarə olunan raketi sınaqdan keçirib
Türkiyə Bayraktar “AKINCI” pilotsuz uçuş aparatının (PUA) lazerlə idarə olunan raketini sınaqdan keçirib. APA-nın “Anadolu” agentliyinə istinadən verdiyi xəbərə görə, Türkiyə istehsalı olan Bayraktar “AKINCI” zərbə vuran pilotsuz uçuş aparatı milli Aselsan şirkəti tərəfindən hazırlanmış “LGK-82” lazerlə idarə olunan raketi uğurla buraxıb.
Məlumata görə, iyulun 1-də pilotsuz təyyarə Türkiyənin şimal-qərbində yerləşən Tekirdağ vilayətindəki Çorlu aviabazasından havaya qalxıb və 9 min metrdən çox hündürlükdə lazerlə idarə olunan qanadlı raket atıb və hədəfi dəqiqliklə vurub. Əvvəllər pilotlu təyyarələr tərəfindən istifadə edilən bu növ sursat ilk dəfə “AKINCI”-da sınaqdan keçirilib. Türkiyə son illərdə təkcə silahlı qüvvələrinin ehtiyaclarını ödəmək üçün deyil, həm də pilotsuz təyyarələrin ixracı üçün istehsala başlayıb.
Hazırda Türkiyənin Bayraktar “TB-2 PUA”-larını Azərbaycan, Qətər, Liviya, Mərakeş, Polşa və Ukrayna dövlətləri alır.
Bu tip pilotsuz təyyarələrdən Qarabağ, Suriya və Liviyadakı döyüş əməliyyatlarında istifadə olunub.
Apa.tv
OXŞAR XƏBƏRLƏR
İlham Əliyev Rusiyanın Çeçenistan Respublikasının başçısını qəbul etdi
Şübhəli binada əməliyyat: 1 nəfər dedilər, amma yerin altından 8 nəfər çıxdı
Bakının yaddan çıxan təbiət guşəsi – “Pitomnik”dən REPORTAJ
Prezident Xəzər Ekoloji Sammitinin geniş tərkibdə iclasında çıxış edib
İlham Əliyev MDB Dövlət Başçıları Şurasının məhdud tərkibdə iclasında iştirak etdi
