Turistlər üçün bağlanan ərazidə yenilik - ŞAHDAĞ MİLLİ PARKINDA
“Şahdağ Milli Parkına gələn turistlər yeni marşrutdan istifadə edəcək”.
Bu barədə APA TV-nin şimal bürosuna Şahdağ Milli Parkının Qusar bölməsinin direktor müavini Rəvayət Nəzərov məlumat verib. May ayının 15-dən etibarən “Ləzə-Cümhurriyət” zirvəsi marşrutu açılacaq. Artıq istiqamətləndirici məlumat lövhələrinin və kitabçaların hazırlanması prosesi gedir: “2020-ci ildə bizdə bütün marşrutlar üzrə turistlərin buraxılışı Ləzə buraxılış məntəqəsindən başlayır. Ən uzaq marşrutlardan biri Ləzə-Bazardüzü marşrutu olduğu üçün bu istiqamətdə hava şəraitindən asılı olaraq turistlərin istirahəti və dincəlməsi üçün Bazardüzünün ətəyində müasir binanın tikintisi nəzərdə tutulub”.
Şahdağ Milli Parkının Qusar bölməsində yerləşən Ləzə-Bazardüzü marşrutu istiqamətində turistlərin təhlükəsizliyini və rahatlığını nəzərə alaraq zirvənin ətəyində istirahət üçün müasir standartlara uyğun binanın tikintisi nəzərdə tutulub. 2019-cu ildə Şahdağ Milli Parkına 14000-dək turist gəlib.
Xatırladaq ki, noyabrın 14-dən mayın 15-ə kimi Şahdağ Milli Parkının Qusar ərazisinə düşən hissəsinə turist girişinə icazə verilmir. Bu, dağlardakı əlverişsiz hava şəraiti ilə əlaqələndirilir. Milli Parkın digər rayonlarda yerləşən ərazilərinə turistlərinin ziyarəti davam edir.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
