Tərtərdə adam vurub qaçdı, Bakıda tutuldu - SİLAH VƏ HƏBLƏRLƏ
Tərtərdə cinayət törədib Bakıya qaçan rayon sakini yaxalanıb.
APA TV-nin Daxili İşlər Nazirliyinə (DİN) istinadən məlumatına görə, dekabrın 9-da Tərtər rayon sakini Mansur Behbudov qırma yaraları ilə xəstəxanaya gətirilib.
Onu şəxsi münaqişə zəminində Seydimli kənd sakini - əvvəllər məhkum olunmuş Sənan Ağazadənin güllələməsi məlum olub. Qəsdən adam öldürməyə cəhd edən şəxs aradan çıxıb.
Əməliyyat-axtarış tədbirləri ilə Sənan Ağazadə 2 gün sonra - dekabrın 11-də paytaxtın Binəqədi rayonu ərazisində tutulub. Onunla birgə “Priora” markalı avtomobildə daha 2 nəfər saxlanılıb.
Sənan Ağazadənin üzərindən və avtomobildən lüləsi kəsilmiş ov tüfəngi, 6 patron, 1 bıçaq, sərnişinlərin birindən isə 29 ədəd psixotrop “metanarol” və 11 ədəd “deksanmetazon” həbi götürülüb.
Saxlanılan şəxslər Tərtər polisinə təhvil verilib.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
