Son dəfə ailəsinə baş çəkib cəbhəyə qayıdan döyüşçüdən 30 ildir xəbər yoxdur
Birinci Qarabağ müharibəsində Fərrux kəndində itkin düşən döyüşçülərdən biri də Ucar rayonunun Lək kənd sakini Maarif Məhiş oğlu İbadovdur.
APA TV-nin yerli bürosunun verdiyi məlumata görə, Maarif İbadov 1971-ci ildə rayonun Lək kəndində kolxozçu ailəsində anadan olub. O, 1978-88-ci illərdə Lək kənd tam orta məktəbində təhsil alıb. Maarif daha çox idmana marağı olan bir gənc olduğundan orta təhsilini başa vurduqdan sonra Rusiyanın Yaroslav vilayətində idman üzrə təhsil alıb. Bundan sonra o, 2 il müddətinə Rusiyada həqiqi hərbi xidmət keçib.
Maarifin vətənə, torpağa, ailəsinə olan sevgisi onu könüllü olaraq Qarabağda gedən döyüşlərə qatılmağa sövq edib və 1991-ci ilin sonlarında döyüşə gedib. İlk döyüşü Ağdamdan başlayıb. O, rayonun bir necə kəndində döyüşüb. 1992-ci ilin Avqust ayının sonlarında Ağdamın Şelli kəndində gedən döyüşdə yaralanıb. Aldığı güllə yarasından tam sağalmamış, sentyabr ayının əvvəli ailə üzvilərinə baş çəkmək üçün kəndə gəlir. Sentyabr ayının 4-ü son gedişi olur. Aradan 8 gün keçdikdən sonra Maarifin itkin düşməsi barədə ailəsinə xəbər verilib.
İndi Maarifin ailəsi deyir ki, tapılıb dəfn olunması, bir məzarının olması onlara təskinlik olar.
Zahid Abışov, Devran Əsgərov, APA TV
Apa.tv
OXŞAR XƏBƏRLƏR
İsmayıllıda Dağlıq Şirvan iqtisadi zonasının inkişaf perspektivləri müzakirə edilib
Lənkəranda ilk dəfə dronla çəltik toxumu səpildi
Laçında yeni yol xətlənmə və nişanlanma işləri başa çatdırılır
Naxçıvanda əqrəb ferması fəaliyyət göstərir
Azərbaycandan tranzit keçməklə Rusiyadan Ermənistana 18 vaqon yük yola salındı
