SOCAR-ın baş ofisində vaksinasiya prosesi keçirilir
"Hazırda vaksinasiya üçün səyyar briqadalar təşkil olunur. Səyyar briqadaların təşkil olunmasında məqsəd tibb məntəqələrində sıxlığın aradan qaldırılması və vaksinasiyanın sürətləndirilməsidir".
APA TV-nin məlumatına görə, bunu jurnalistlərə açıqlamasında TƏBİB-in İctimaiyyətlə əlaqələr şöbəsinin əməkdaşı Elnarə Baxış deyib.
O bildirib ki, dövlət orqanlarından daxil olan müraciətlərə əsasən, belə səyyar briqadalar təşkil olunur: “Bir neçə qurumda artıq səyyar briqadalar təşkil olunub. Bunlardan “Azərişıq”, “Azəriqaz” və SOCAR-ı deyə bilərəm. “ASAN Xidmət”in bir neçə mərkəzində səyyar briqadalar təşkil olunub. İki gündür ki, SOCAR-ın baş ofisində səyyar vaksinasiya keçirilir. Bu gün 150 nəfərə yaxın əməkdaşın vaksinasiyası həyata keçiriləcək. Ümumilikdə isə 1000 əməkdaşın könüllü şəkildə peyvənd olunması nəzərdə tutulub”.
Qeyd edək ki, SOCAR-ın baş ofisində vaksinasiya prosesinin düzgün və sürətli aparıla bilməsi üçün bütün lazımi şərait yaradılıb. Müraciət edən əməkdaşlar öncə lazımi yoxlamalardan keçir, daha sonra vaksin vurulur. Post-vaksin otağında bir qədər gözlədikdən sonra evlərinə göndərilirlər.
Xələf Xələfov,
Faiq Həsənov,
APA TV
Apa.tv
OXŞAR XƏBƏRLƏR
Azərbaycan ordusu necə dünyanın ən güclü ordularından birinə çevrildi?
Prezident İran İslam Şurası Məclisinin sədrinin başçılıq etdiyi nümayəndə heyətini qəbul edib
Prezident TBMM-nin sədrinin rəhbərlik etdiyi nümayəndə heyətini qəbul edib
Azərbaycan və Türkmənistan prezidentləri Füzuli şəhərinin dağıdılmış yerlərinə baxıblar
Prezidentlər Şuşada inşa edilmiş birinci yaşayış kompleksində olublar
