Şirvanda mikroavtobusla “Jiquli” toqquşdu - SÜRÜCÜ ÖLDÜ
Şirvanda ölümlə nəticələnən yol qəzası baş verib.
APA TV-nin Mil-Muğan bürosunun məlumnatına görə, hadisə Şirvan-Sabirabad yolunda qeydə alınıb. Şirvan sakini - 1976-cı il təvəllüdlü Babayev Teymur Hüseynağa oğlunun idarə etdiyi “Mercedes” markalı, 18 BX 708 dövlət nömrə nişanlı 10 saylı marşurut üzrə işləyən mikroavtobus və həmyerlisi - 1992-ci il təvəllüdlü Cavadov Muradəli Elçin oğlunun idarə etdiyi “VAZ 21014” markalı, 18 BX 577 dövlət nömrə nişanlı avtomobillə toqquşub. Qəza nəticəsində “VAZ 21014” markalı avtomobilin sürücüsü hadisə yerində ölüb. Onun meyiti Fövqəladə Hallar Nazirliyinin (FHN) Yanğından Mühafizə xidmətinin xilasediciləri tərəfindən xüsusi avadanlıqların köməyi ilə avtomobildən çıxarılaraq aidiyyəti üzrə təhvil verilib.
Mikroavtobusun sürücüsü isə xəstəxananın reanimasiya şöbəsinə yerləşdirilib. Qəza yolda böyük tıxacın yaranmasına səbəb olub. Faktla bağlı araşdırma aparılır.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
