Şirvanda içki məclisi qətllə bitdi
Şirvanda dostların içki məclisindən sonrakı mübahisəsi qətllə bitib.
APA TV-nin Mil-Muğan bürosunun məlumatına görə, hadisə gecə saat 03:00 radələrində Şirvanda yerləşən “Sürücülük məktəbinin yataqxanası” kimi tanınan binanın qarşısında baş verib.
Gecə yarısı yaşadıqları yataqxananın yaxınlığında yerləşən kafedə yeyib içən şəxslərdən həmin yataqxanada yaşayan Cəbrayıl rayon sakini, 1979-cu il təvəllüdlü Şamil Sulduz oğlu Əliyev içki məclisində aralarında yaranan mübahisə zəminində Abşeron rayonunun Mehdiabad qəsəbə sakini, 1969-cu il təvəllüdlü İlqar Hümbət oğlu Rzayevi qarın nahiyəsindən bıçaqla vurub. Sonuncu təcili yardımla xəstəxanaya aparılarkən yolda keçinib.
Qətli törədən şəxs polis tərəfindən saxlanılıb. Qətldə istifadə olunan bıçaq hadisə yerindən yüz metr aralıda tapılaraq maddi sübut kimi istintaqa təhvil verilib.
Faktla bağlı cinayət işi açılıb, araşdırma aparılır.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
