Şərurda usta və fəhlələr etiraz aksiyası keçirib
Şərurda işsiz qalan bir qrup usta və fəhlə rayonun mərkəzində etiraz aksiyası keçirib.
İşçilər artıq beş-altı aydır ki, işsiz qaldıqlarını bildirirlər. Onların sözlərinə görə indiyə kimi çalışdıqları Şərur Rayon Təmir-Tikinti İdarəsi bəzi əməkdaşlarına Sədərək Gömrük İdarəsinin tikintisinə görə ödəməli olduqları pulu belə verməyib. Etiraz edən tikinti işçiləri işsiz qalmalarının səbəbini rayonda bəzi tikintilərin dayandırılması ilə əlaqələndirirlər. Onların sözlərinə görə bəzi tikintilərin dayandırılması, bəzi tikintilərin isə başqa şirkətlərə verilməsi onları işsiz qoyub.
İndi bu idarənin rayon icra hakimiyyətinin nəzdinə keçdiyini bildirən ustalar işlə təmin olunmaq istəyirlər.
Məsələ ilə bağlı Şərur Rayon İcra Hakimiyyətinin də mövqeyini öyrəndik. İcra Hakimiyyətindən bildirdilər ki, idarə bu yaxınlarda onların nəzdinə verilib və ustaların, fəhlələrin bu məsələsi qısa vaxt kəsiyində öz həllini tapacaq.
Ceyhun Məmmədov, Əli Xudiyev, APA TV
Apa.tv
OXŞAR XƏBƏRLƏR
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
