Şəkidə dəhşətli qəza: 1 ölü, 5 yaralı
Şəkidə baş verən ağır yol qəzasında bir nəfər ölüb, beş nəfər isə xəsarət alıb.
APA TV-nin yerli bürosunun məlumatına görə, hadisə bu gün səhər saat 09:30 radələrində Qaraməryəm-İsmayıllı-Şəki avtomobil yolunun Şəki rayonu Köbər-Zəyzid kəndi ərazisindən keçən hissəsində baş verib.
Şəki rayon sakini 1966-cı il təvəllüdlü Eldar Adil oğlu Vəlibəyovun idarə etdiyi “VAZ-2106” markalı minik avtomobili ilə rayon sakini 1983-cü il təvəllüdlü Ramin Sabir oğlu Qocayevin idarə etdiyi “VAZ-21011” markalı minik avtomobili ilə toqquşub.
Qəza zamanı “VAZ-21011” markalı avtomobilin sərnişini, 1978-ci il təvəllüdlü Şəki rayon sakini Şahid Əşrəf oğlu Rüstəmov aldığı ağır xəsarətlərdən hadisə yerində ölüb. Avtomobildə olan digər sərnişinlər - Şahid Rüstəmovun həyat yoldaşı, 1987-ci il təvəllüdlü Solmaz Qoca qızı Rüstəmova, onların övladları - 2018-ci il təvəllüdlü Elgün Rüstəmov və 2015-ci il təvəllüdlü Aliyə Rüstəmova, eləcə də avtomobillərin sürücüləri Ramin Qocayev və Eldar Vəlibəyov müxtəlif dərəcəli bədən xəsarətləri ilə Şəki Rayon Mərkəzi Xəstəxanasına yerləşdiriliblər.
Faktla bağlı araşdırma aparılır.
Apa.tv
OXŞAR XƏBƏRLƏR
Ordubadda yerləşən bu kəndin adının mənası “yox-yox” deməkdir
Ceyhun Bayramovdan Sülh sazişinin imzalanması ilə bağlı mühüm açıqlama
Zəngəzur dəhlizi ilə bağlı danışıqlarda yeni mərhələ - Nazir açıqladı
Köç edən ailələrə mənzillərin açarları təqdim olunub
Növbəti köç karvanları yola salınıb
