Şəkidə dəhşət: 3 otaqlı ev alova qərq oldu
Şəkidə fərdi yaşayış evində yanğın olub. 92 yaşlı ev sahibəsi xəsarət alıb Yanğın Şəki şəhəri, 20 Yanvar küçəsində, 1932-ci il təvəllüdlü Nəzihə Sərxan qızı İbrahimovaya məxsus, ümumi sahəsi 120 kv/m olan kürsülü birmərtəbəli 3 otaq və aynabənddən ibarət fərdi yaşayış evində baş verib. Yanğının söndürülməsi üçün əraziyə Fövqaladə Hallar Nazirliyinin (FHN) Şəki Rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib. Yanğın nəticəsində evin dam örtüyünün yanar konstruksiyaları, evin mətbəxinin 15 kv/m-lik sahəsinin və aynabəndin tavanının 3 kv/m-lik sahəsinin yanar konstruksiyaları yanıb. Evin qalan hissəsi və yaxınlıqdakı digər tikililər yanğından mühafizə olunub. 92 yaşlı ev sahibi Nazihə İbrahimova ayaq nahiyəsindən yanıq xəsarəti alıb. Nazihə İbrahimova hadisə yerinə cəlb edilmiş Təcili Tibbi Yardım briqadasının əməkdaşları tərəfindən Şəki Rayon Mərkəzi Xəstəxanasına (RMX) aparılıb. Faktla bağlı araşdırma aparılır.
Vüqar Heydərov, Əhməd Fərruxoğlu, APA TV
Apa.tv
OXŞAR XƏBƏRLƏR
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
Prezident İlham Əliyev Avropa Komissiyasının rəhbəri Ursula Fon der Lyayeni qəbul edəcək
Qanunsuz sahibkarlıqla bağlı cinayət məsuliyyətindən azad edilməyə dair şərt dəyişir
"Birinci Türkoloji Qurultayın 100 illik yubileyi xalqlarımız üçün tarixi əhəmiyyət daşıyır"
