Şəhid ailələri və Qarabağ müharibəsi qazilərinə ev verilib
Əmək və Əhalinin Sosial Müdafiəsi Nazirliyi tərəfindən 20 şəhid ailəsi və Qarabağ müharibəsi əlili evlə təmin edilib.
APA TV-nin yerli bürosunun xəbərinə görə. evlərdən 9-u Quba rayonunda inşa edilib.
Əmək və Əhalinin Sosial Müdafiəsi Nazirliyi tərəfindən Qubada 9, Naftalanda 6, Balakəndə 3, Xızı və Kürdəmirdə isə 1 vətəndaşa fərdi ev verilib:
- İndi də Ordumuz qabaqda gedir. Allah canlarını sağ eləsin. Şəhidlərimizə Allah rəhmət eləsin, yaralılarımıza da Allah şəfa versin. O gün olsun müharibə qurtarsın və biz öz doğma torpaqlarımızdan istifadə edək. Qarabağ Azərbaycandır!
- Qardaşım Fizuli rayonunda gedən döyüşlərdə şəhid olub. Dövlətimizə təşəkkür edirəm göstərdiyi diqqətə görə.
Sosial Xidmətlər Agentliyinin sədri Vüqar Behbudov deyir ki, 2020-ci ildə şəhid ailələri və müharibə əlillərinə rekord sayda - azı 1500 mənzil və fərdi ev verilməsi nəzərdə tutulub: “Artıq onların böyük hissəsi təmin olunub və bu proses sürətlə həyata keçirilir. Bu gün 20 fərdi ev vətəndaşların istifadəsinə verilir, onlardan 9-u Quba rayonundadır. Bu proses sürətlə həyata keçirilir. İlin sonuna kimi Qarabağ əlillərindən 400 nəfərinin avtomobillə təmin olunması da həyata keçiriləcək”.
Ümumilikdə ötən dövr ərzində şəhid ailələri və müharibə əlillərinə 8 min 318 mənzil və fərdi ev verilib.
Apa.tv
OXŞAR XƏBƏRLƏR
Qanunsuz sahibkarlıqla bağlı cinayət məsuliyyətindən azad edilməyə dair şərt dəyişir
"Birinci Türkoloji Qurultayın 100 illik yubileyi xalqlarımız üçün tarixi əhəmiyyət daşıyır"
Birinci Türkoloji Qurultayın 100 illiyinə həsr olunmuş “Türk Dünyası Həftəsi”nin açılışı olub
Türk Dünyası Həftəsi ərzində Xankəndidə xüsusi konfrans keçiriləcək
Bakıda Silahlı Qüvvələr Günündə hərbçilərin yürüşü keçirilib – “Ordumuz daim var olsun!”
