Salyanda yaşayış binasında partlayış olub - 1 YARALI
Salyanda yaşayış binasında yanğınla nəticələnən partlayış baş verib.
APA TV-nin Mil-Muğan bürosunun məlumatına görə, hadisə A.Ağabəyli küçəsində yerləşən beşmərtəbəli yaşayış binasının 4-cü mərtəbəsində, ümumi sahəsi 60 m² olan 3 otaqlı mənzildə qeydə alınıb.
Yanğın nəticəsində mənzilin 1 otağının yanar konstruksiyaları və içərisində olan ev əşyaları 20 m² sahədə yanıb. Partlayış dalğasının təsirindən mənzilin 2 ədəd pəncərə çərçivəsi yerindən çıxıb. Hadisə zamanı 34 yaşlı Zamiq Zakir oğlu Məziyev 3-cü dərəcəli ağır yanıq xəsarəti ilə Salyan Rayon Mərkəzi Xəstəxanasına yerləşdirilib. Xəstəxanada ona ilk tibbi yardım göstərilib.
Yanğın yanğından mühafizə bölmələri tərəfindən söndürülüb. İlkin ehtimala görə, partlayışa səbəb qaz sızması olub. Hadisə nəticəsində qonşuluqda yerləşən mənzillərə də ziyan dəydiyi bildirilir.
Faktla bağlı araşdırma aparılır.
Apa.tv
OXŞAR XƏBƏRLƏR
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
