Salyanda kanaldan qətlə yetirilən qadın meyiti tapılıb
Salyanda kanaldan qətlə yetirilən qadın meyiti tapılıb.
APA TV-nin Mil-Muğan bürosunun məlumatına görə, mayın 26-da Ələt-Astara magistralından 1 kilometr aralıda, Salyan rayonunun Yenikənd kəndinin çöllük ərazisində kanaldan naməlum qadın meyiti tapılıb.
Belə ki, ərazidə heyvan otaran kənd sakini kanalda qamışlıqda ölmüş qadına məxsus meyit aşkar edib və bu barədə polisə məlumat verib. Hadisə yerinə gələn hüquq-mühafizə orqanlarının əməkdaşları 40-45 yaşlı qadının meyitini kanaldan çıxararaq Salyan rayon Məhkəmə Tibbi Ekspertizası və Patoloji Anatomiya Mərkəzinə yerləşdiriblər. Üzərində xəsarətlər olan qadının qətlə yetirildiyi məlum olub. Hələlik qadının kimliyi məlum deyil. İstintaq orqanları tərəfindən qadının hansı şəraitdə və kim tərəfindən qətlə yetirildiyi araşdırılır. Meyitin kanala gecə radələrində atıldığı güman edilir.
Faktla bağlı Salyan rayon Prokurorluğunda cinayət işi açılıb.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
