Salyanda balığa gedən şəxslər nəzarətçi tərəfindən güllələndi – ÖLƏN VƏ YARALANAN VAR
Salyanda odlu silahla qətl hadisəsi baş verib.
APA TV-nin Mil-Muğan bürosunun məlumatına görə, hadisə rayonun Qaraçala kəndi ərazisində qeydə alınıb. Kəndin çöllük ərazisində yerləşən və şəxsi olan süni balıqyetişdirmə gölündə icazəsiz balıq tutmağa gələn 2 nəfərin həmin ərazidə gözətçi olan, Bakı sakini, 1995-ci il təvəllüdlü Rəşad Abdullayev tərəfindən güllələndiyi ehtimal edilir.
Hadisə zamanı rayonun Kürsəngi kənd sakini, 1996-ci il təvəllüdlü Asif Qarayev aldığı güllə yarasından hadisə yerində ölüb. Onun həmkəndlisi, 1996-cı il təvəllüdlü Fərzalı Aydınov isə güllə yarası alaraq Salyan rayon xəstəxanasına yerləşdirilib.
Prokurorluq və polis əməkdaşları tərəfindən hadisə yerinə baxış keçirilən zaman meyitin yaxınlığından 2 ədəd giliz, içərisində 1 ədəd patron olan tüfəng və balıq tutmaq üçün nəzərdə tutulmuş tor aşkar edilərək götürülüb.
Faktla bağlı cinayət işi başlanıb.
Əlibəy Zeynallı
Elçin Həsənov
APA TV
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
