Salyanda avtomobil kanala aşdı, sürücü və həyat yoldaşı öldü
Salyanda avtomobil kanala aşıb, sürücü və həyat yoldaşı ölüb.
APA TV-nin Mil-Muğan bürosunun məlumatına görə, hadisə rayonun Sarvan kəndində qeydə alınıb.
Neftçala rayonunun Surra kəndində yerləşən fermer təsərrüfatında çalışan paytaxt sakini, 1963-cü il təvəllüdlü Qalib Əhmədov idarə etdiyi furqon tipli “Moskvich-412” markalı avtomobili kanala aşırıb. Nəticədə sürücü və avtomobildə olan qeyri-qanuni nikahda olduğu qadın - Biləsuvar rayon sakini suda boğularaq ölüblər.
Hadisə yerinə Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidmətinin və Muğan Regional Mərkəzinin axtarış-xilasetmə qrupları cəlb olunub.
Regional mərkəzin qüvvə və vasitələrinin köməkliyi ilə avtomobil kanaldan çıxarılıb. Maşının içərisində aşkarlanan sürücünün və qadının meyiti aidiyyəti üzrə təhvil verilib.
Faktla bağlı araşdırma aparılır.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
