Saleh Məmmədov: “Rusiya və Gürcüstan istiqamətində yeni yollar...”
“Bakı şəhərindən Rusiya Federasiyasına qədər çəkilən yeni magistral yol 2020-ci ilin sonuna qədər istismara veriləcək”.
APA TV-nin Mil-Muğan bürosunun məlumatına görə, bu açıqlamanı Azərbaycan Avtomobil Yolları Dövlət Agentliyinin (AAYDA) İdarə heyətinin sədri Saleh Məmmədov verib: “2019-cu ilin 9 ayı ərzində Bakı şəhəri ilə Rusiya Federasiyasını birləşdirən, Samur çayı sahilinə qədər yeni avtomobil yolunun çəkilişi davam etdirilir. Bu yolun artıq 80 kilometr hissəsi asfaltlanıb, asfalt-beton örtüyü ilə təmin olunub. Yerdə qalan hissələrində yol əsasının tikintisi və yol üzərində olan süni qurğuların tikintisi davam etdirilir. 2020-ci ilin sonuna qədər yeni yol tam başa çatdırılıb, istismara veriləcək”.
Saleh Məmmədov respublikanın qərb bölgəsində də işlərin davam etdirildiyini deyib: “Eyni zamanda Gəncədən “Qırmızı körpü” deyilən əraziyə qədər 2 cərgəli mövcud avtomobil yolunun 4 cərgəli avtomobil yoluna çevrilməsi - yəni, 1-ci dərəcəli yol şəklində istismara verilməsi üçün hazırda tikinti işləri aparılır. Bu yol 2021-ci ilin ilk 6 ayı ərzində yekunlaşıb istismara verilməsi nəzərdə tutulur”.
Xatırladaq ki, AAYDA-nin İdarə heyətinin sədri Saleh Məmmədov Sabirabad rayonunda qəbul keçirib.
Apa.tv
OXŞAR XƏBƏRLƏR
Hikmət Hacıyev ölkəmizə qarşı aparılan media kampaniyalarından danışdı
Azərbaycan və Slovakiya prezidentləri Ağdamın Baş Qərvənd kəndində olub
Elektron siqaret, sığorta, qumar: Milli Məclisdən yeni qanun layihələri
Şuşada IV Qlobal Media Forumu öz işinə başladı
Prezidentdən 907-ci düzəlişlə bağlı mühüm mesaj: "Ləğv edilməlidir..."
