Sabirabadda silsilə oğurluqlar edən keçmiş məhkum yaxalandı
Sabirabadda obyekt və evlərdən oğurluq edən keçmiş məhkum saxlanılıb.
APA-nın Mil-Muğan bürosunun məlumatına görə, polis əməkdaşları tərəfindən keçirilən əməliyyat nəticəsində vətəndaşların evindən oğurluq edən əvvəllər də məhkum olunmuş, 1990-cı il təvəllüdlü Saleh Əliyev saxlanılıb.
Keçmiş məhkum müxtəlif vaxtlarda Sabirabad sakinlərinə məxsus 3 mənzildən qızıl-zinət əşyaları, elektron avadanlıqlar, televizor, məişət əşyaları, xalça-palaz və digər əşyalar oğurlayıb.
O, həmçinin şəhər ərazisində yerləşən ictimai iaşə obyektindən də eyni xarakterli oğurluq edərək sakinlərə ümumilikdə 6 min manata qədər ziyan vurub.
Oğurladığı əşyaların bir qismini satmağa müvəffəq olsa da digər əşyalar ondan maddi sübut kimi götürülüb.
Faktla bağlı istintaq hərəkətləri davam etdirilir.
Apa.tv
OXŞAR XƏBƏRLƏR
41 ailəyə mənzillərinin açarları təqdim olundu
Prezident İlham Əliyev ABŞ Senatının Xarici Əlaqələr Komitəsinin üzvünü qəbul edib
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
