Sabirabadda baş həkimin oğlu maşınla ana və qızını vurub öldürdü
Sabirabadda baş həkimin oğlu avtomobillə ana və qızını vuraraq öldürüb.
APA TV-nin Mil-Muğan bürosunun məlumatına görə, hadisə Sabirabad şəhərinin girişində baş verib.
Sabirabad sakini Kamran Nəsirli idarə etdiyi "Mercedes" markalı 99 BS 755 dövlət nömrə nişanlı avtomobillə yolu keçən və qoşa xəttin üstündə dayanan ana ilə qızını vurub. Nəticədə hər iki piyada - 1948-ci il təvəllüdlü Sabirabad sakini Banu Məhəmməd qızı Əliyeva və onun qızı, 1971-ci il təvəllüdlü Hədiyyə Ağabala qızı Niftəliyeva aldıqları xəsarətlərdən elə hadisə yerində keçiniblər.
Meyitlər müayinə olunmaq üçün Şirvan Patoloji Anatomiya və Məhkəmə Tibbi ekspertiza şöbəsinə yerləşdirilib. Hər iki qadın Sabirabad Rayon Xəstəxanasının işçisi olub.
Qeyd edək ki, Kamran Nəsirli Sabirabad rayon Vərəm Dispanserinin baş həkimi Rasim Nəsirovun oğludur. Sürücü polis tərəfindən saxlanılıb. Faktla bağlı cinayət işi açılıb, araşdırma aparılır.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
