Ruslan Əliyev: “47 manat dəyəri olan sayğaclar 500 manata təklif olunur”
“47 manat dəyəri olan qaz sayğaclarına görə, bir sıra Mənzil-Tikinti Kooperativləri tərəfindən mənzil sahiblərindən 500 manat istəməsi qeyri-qanunidir”.
APA TV-nin məlumatına görə, bunu “Azəriqaz” İstehsalat Birliyində keçirilən növbəti “Açıq qapı” aksiyası zamanı qurumun baş direktoru Ruslan Əliyev bildirib. O, bəzi MTK-ların qeyri-qanuni olaraq qaz sayğaclarına görə müəyyən ödənişlərin tələb edilməsinə aydınlıq gətirib. Bildirib ki, bu ilin iyul ayından etibarən çoxmərtəbəli evlərin də qazlaşdırılması zamanı sayğacların quraşdırılmasına görə heç bir ödəniş alınmır: “İyul ayının 1-dən etibarən MTK-lara qeyri yaşayış binalarına texniki şərt ödənişsizdir. Ona görə də, vətəndaşdan hər hansı məbləğin istənməsi də qeyri-qanunidir. Vətəndaşlar elə bilirlər ki həmin MTK-lar binanın sahibidir”.
Ruslan Əliyevin sözlərinə görə, gələn il 110 yaşayış massivinin qazlaşdırılması nəzərdə tutub. O, qeyd edib ki, gələn il "Azəriqaz" xüsusi sim-kartlarla təmin edilmiş smart tipli sayğaclarının quraşdırılmasını da həyata keçirəcək. Sim-kartlarla təmin edilmiş sayğaclar məlumatların uzaqdan oxunuşunu, qaz təminatının dayandırılmasını, əvvəlcədən ödəniş və digər funksiyalarını həyata keçirməyə imkan verəcək.
Qeyd edək ki, “Açıq qapı” aksiyası “facebook” sosial şəbəkəsi üzərindən canlı yayımlanıb. Vətəndaşların sualları da canlı yayım vasitəsilə cavablandırılıb.
Nərmin Murad,
Ziya Allahyarov,
APA TV
Apa.tv
OXŞAR XƏBƏRLƏR
“Bakıdan qatarla Zəngəzur üzərindən Naxçıvana getmək mümkün olacaq” – Deputat
Prezident Dağıstanın tanınmış ictimai-siyasi xadimi Qurban Qurbanova “Dostluq” ordenini təqdim edib
Şəmkirdə aqrar sahənin inkişafına həsr olunan regional müşavirə keçirilib
İslam İnkişaf Bankı Qrupunun 2026-cı il üzrə İllik Toplantılarının açılış mərasimi keçirilib
İlham Əliyev İslam İnkişaf Bankı Qrupunun sədrinə “Dostluq” ordenini təqdim edib
