Rusiyanın hərbi aeroportuna raket zərbəsi endirildi
Rusiyanın Ukrayna ilə sərhəddə yerləşən hərbi aeroportuna ən azı bir raket zərbəsi endirilib.
APA TV-nın CNN-ə istinadən xəbərinə görə, yayılan videolarda uzun mənzilli raketin hava limanına düşməsinin və uçuş-enmə zolağında bir neçə yanğının baş verməsi əks olunur.
CNN-in geolokasiyasına görə, sözügedən hava limanı Ukrayna ilə sərhəddən 10 mil məsafədə yerləşən Rusiyanın Rostov vilayətinin Millerovo şəhəri yaxınlığındakı hərbi aeroportdur.
“Komsomolskaya pravda” qəzeti də bölgədəki mənbələrinə istinadən Ukraynaya məxsus “Toçka-U” raketinin hərbi obyektə zərbə endirməsi barəsində məlumat paylaşıb.
“Rostov Gazeta” da Millerovonun Ukrayna silahlı bölmələrinin hücumuna məruz qalması və yaralılarla bağlı məlumat yayıb.
Rusiyanın Cənub Hərbi Dairəsinə daxil olan Millerovo hərbi aeroportunda Su-30SM qırıcı təyyarələrindən ibarət iki eskadron olduğu bildirilir.
Apa.tv
OXŞAR XƏBƏRLƏR
15 iyun - Milli Qurtuluş Günü: Azərbaycanın taleyini dəyişən ZƏFƏR TARİXİ
15 İyun: Xalqın Ümid, Dövlətin Xilas Günü
Azadlığından sonra Ağdam və Füzulidə ilk dəfə son zəng çalınıb
Bakıda 45 nömrəli məktəb məzunlarını yola saldı - Sonuncu zəng çalındı
Elm və Təhsil Naziri Gəncədə “Son Zəng” tədbirində iştirak edib
