Rusiya səfirliyinin önünə gül dəstələri düzüldü - APA TV
Martın 22-də axşam saatlarında Moskva vilayətində yerləşən “Crocus City Hall”da baş verən qətliamla bağlı Bakıdakı Rusiya səfirliyində dövlət bayrağı yarıya qədər endirilib. Səfirlikdən verilən məlumata görə, qurumda onlayn xatirə kitabı da açılıb. Mediaya açıqlama verən Azərbaycandakı Rusiya Səfirliyinin mətbuat xidmətinin rəhbəri Yelizaveta Qlerezka baş vermiş hadisədən bütün Rusiyanın sarsıldığını bildirib. O vurğulayıb ki, insanlar faciə ilə bağlı səfirliyin qarşısına gül dəstələri gətiririlər.
Səfirlik rəsmisi Azərbaycan Prezidenti İlham Əliyevin, ölkənin Baş naziri Əli Əsədovun və Xarici İşlər Nazirliyinin də Rusiyaya başsağlığı verdiyini xatırlayaraq rəsmi Bakıya təşəkür edib.
Səfirliyin binasının qarşısına gəlib gül dəstələri düzərək kədərlərini bölüşənlər arasında həm Azərbaycan, həm də Rusiya vətəndaşları var idi.
Xatırladaq ki, Rusiyanın Moskva vilayətində yerləşən “Crocus City Hall”da baş verən silahlı hücumda yüzlərlə ölən və yaralananlar var.
Fuad Sadıqov
Apa.tv
OXŞAR XƏBƏRLƏR
Cəbrayıl, Xocavənd, Xocalı və Ağdərəyə növbəti köç
İlham Əliyev Birləşmiş Krallığının müdafiə üzrə dövlət nazirini qəbul etdi
Böyük Qayıdışın növbəti mərhələsi: Daha 193 sakin yurda döndü
Önümüzdəki günlərdə HAVA NECƏ OLACAQ? – AÇIQLAMA
Şərurun hülüsü niyə bu qədər məşhurdur?
