Rusiya qırıcısı “Bayraktar”la qarşılaşdı, vura bilmədi
Sosial şəbəkələrin Ukrayna seqmentində “Bayraktar TB-2”nin Rusiyaya məxsus qırıcı ilə qarşılaşması barədə video paylaşılıb.
Yerli medianın verdiyi xəbərə görə, Qara dəniz üzərində Rusiyaya məxsus “Su-27” qırıcısı “Bayraktar TB-2”ni vurmağa cəhd göstərib. O da qeyd olunub ki, PUA-nın qanadlarında Ukrayna Silahlı Qüvvələrinin Hərbi Hava Qüvvələrinin tanınma nişanları aydın göründüyü halda qırıcının niyə silahdan istifadə etmədiyi tam aydın deyil. Yerli ekspertlər məlumatına görə, pilotsuz uçan aparatı məhv etmək üçün niyə “hava-hava” tipli raketlərdən istifadə edilmədiyi də məlum deyil.
Ehtimal etmək olar ki, bu hadisədə rusiyalı pilot səhvən hədəfin ABŞ-ın PUA-sı olduğunu düşünüb və hərbi insident yaratmamaq üçün atəş açmaqdan çəkinib. Bəzi ekspertlər isə rus pilotun hədəfdən yayındığını və PUA-nı vura bilmədiyini bildirirlər.
Xatırladaq ki, bir müddət öncə Qara dəniz üzərində Rusiyaya məxsus “Su-27” qırıcısı Amerikanın “MQ-9 Reaper” kəşfiyyat pilotsuz təyyarəsi ilə toqquşmuşdu.
Apa.tv
OXŞAR XƏBƏRLƏR
Oktyabrın 5-nə kimi ölkədə hava şəraiti necə olacaq?
Prezident İlham Əliyev Beynəlxalq Cüdo Federasiyasının prezidentini qəbul edib
Qubaya ilk qar yağdı – Xınalıq ağ örpəyə büründü
Süni intellekt məhkəmə sisteminə daxil olur – Nə dəyişəcək?
Şuşada Azərbaycan, Türkiyə və Gürcüstan müdafiə nazirlərinin üçtərəfli görüşü keçirilib
