Rövşən Rzayev: “Məcburi köçkünlər ehtiyatlı olsun, yanğınlar...”
“Bu gün ən ağrılı problemlərdən biri köçürülmə ilə bağlıdır”.
APA TV-nin məlumatına görə, bunu Qaçqınların və Məcburi Köçkünlərin İşləri üzrə Dövlət Komitəsinin (QMKİDK) sədri Rövşən Rzayev deyib.
Bununla bağlı ölkə başçısının tapşırığına əsasən işlər görülür: “Bununla bağlı komissiya yaradılıb. Biz köçürülmə zamanı daha çox yataqxanalarda, pansionatlarda, məktəblərdə, bağçalarda, zirzəmilərdə qalanlara üstünlük veririk. Birinci Vitse-prezident Mehriban Əliyevanın tapşırığına əsasən, zirzəmilərdə yaşayan 300-ə yaxın ailə mənzillərlə təmin olunub. Amma çox təəssüf ki, yenə də bu kateqoriyadan olan ailələr var”.
Yataqxanalarda baş verən yanğınlarla bağlı hüquq-mühafizə orqanlarında araşdırma aparıldığına diqqət çəkən komitə sədri qeyd edib ki, hadisələr ehtiyatsızlıqdan baş verir: "Yataqxanalarda naqillər çox həssas olduğu üçün belə hallar baş verir. Məcburi köçkünlər ehtiyatlı davranmalıdır".
Yataqxanalardakı elektrik naqillərinin hansı vəziyyətdə olub-olmadığı yoxlanılıb: “Onların təmiri ilə bağlı lazım olan vəsait aydınlaşdırılıb və komissiyanın rəyi hazırda Nazirlər Kabinetinə təqdim olunub".
Qeyd edək ki, sözü gedən komissiya Baş nazirin müavini Əli Əhmədovun tapşırığı ilə yaradılıb.
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
