“Rahat” marketdə biabırçılıq: Şokoladın kağızını soyursan, qurd salam verir
“Rahat” marketdə şokoladın içindən qurd çıxıb. Bununla bağlı istehlakçı APA TV-nin qaynar xəttinə videogörüntülər yollayıb. Görüntülərdən aydın olur ki, şikayətçi qonaq üçün aldığı şokoladı açır və belə bir mənzərə ilə qarşılaşır. Daha sonra vəziyyəti aydınlaşdırmaq üçün elə qonaqla birlikdə üz tutur “Rahat” marketə Piştaxtadan başqa bir şokolad götürür və... yenə eyni mənzərə. Şokoladın içindən az qala barmaq boyda qurd çıxır. Videogörüntüləri “Rahat” supermarketlər şəbəkəsinə yollayıb, açıqlama istəsək də, özlərinə 3 cümləlik əziyyət belə vermədilər. Belə anladıq ki, “Rahat” supermarketlər şəbəkəsi sadəcə nəsə satmağı düşünür. İçində qurd oldu-olmadı, təki satılsın. Azad İstehlakçılar Birliyinin sədri Eyyub Hüseynov isə deyir ki, bu cür halların baş verməsini başlıca səbəbi marketlərdə havalandırma sisteminin düzgün işləməməsi, temperatura nəzarət edilməməsidir. Bəs Azərbaycan Qida Təhlükəsizliyi Agentliyi bu barədə nə düşünür? Quruma yolladığımız sorğuya belə cavab verdilər ki, məsələ nəzarətə götürülüb. Faktla bağlı qanunvericiliyə uyğun müvafiq tədbirlər görüləcək və araşdırmanın nəticəsi barədə ictimaiyyətə məlumat veriləcək. Ona qədər isə, əziz alıcılar, “Rahat”dan mal alarkən daha diqqətli olun ki, narahat olmayasınız.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
