Qurban Qurbanov şəhid övladının ən böyük arzusunu reallaşdırdı
Şəhid polkovnik-leytenant Vidadi Xəlilovun oğlu 8 yaşlı Əli "Qarabağ" komandasının
baş məşqçisi Qurban Qurbanov və futbolçularla görüşüb.
Gələcəkdə "Qarabağ" komandasının hücumçusu olmağı arzulayan Əli APA TV-yə deyib ki, atasının da azarkeşlik etdiyi klubla görüş onu arzularına çatmaq üçün daha da həvəsləndirib.
Məşqçisi deyir ki, Əli gələcəyin peşəkar futbolçusu olmaq arzusunu reallaşdırmaq üçün ən gərgin məşqlərdən də çəkinmir.
Futbolçular balaca həmkarları ilə həmsöhbət olub, birgə xatirə şəkilləri çəkdirdikdən sonra Əliyə gələcək karyerasında uğurlar arzulayıblar.
Xatırladaq ki, döyüş hazırlığı bölməsinin rəisi, polkovnik-leytenant Vidadi Xəlilov 44 günlük Vətən Müharibəsinin ilk günlərindən aktiv döyüşlərdə iştirak edib. "Qubadlı fatehi" olan, 100-dən çox erməni əsgər və zabitinin məhv edilməsində iştirak edən Vidadi Xəlilov Murovdağ, Füzuli, Qubadlı, Zəngilan, Cəbrayıl rayonlarının işğaldan azad olunmasında böyük şücaət göstərib, 2020-ci il oktyabrın 30-da Laçın rayonunun Arpagədik kəndi ərazisində gedən döyüşlərdə şəhid olub.
20 il orduda xidmət göstərən Vidadi Xəlilov "Qüsursuz xidmətə görə", “Vətən uğrunda”, “Laçının azad olunmasına görə”, “Qubadlının azad olunmasına görə”, və “Cəbrayılın azad olunmasına görə”, “Hərbi xidmətlərə görə” medalları və “Azərbaycan bayrağı" ordeni ilə təltif edilib.
Şahnəzər Bəşirov, APA TV, Göyçay
Apa.tv
OXŞAR XƏBƏRLƏR
Şuşada IV Qlobal Media Forumu öz işinə başladı
Prezidentdən 907-ci düzəlişlə bağlı mühüm mesaj: "Ləğv edilməlidir..."
Prezident: Avropa Şurasını tərk etməyi ciddi şəkildə müzakirə etmişik
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
