Quba sakinlərini yolun ortası ilə getməyə məcbur edən nədir?
Turizm rayonu olan Qubaya gələn qonaqların ilk ayağını qoyduğu yer bu səki olur. Bura şəhərin mərkəzi, Heydər Əliyev prospektidir. Uzun müddət təmir aparılmadığından səkilər bərbad hala düşüb. Sakinlər bildirir ki, burada əlil və uşaq arabası ilə hərəkət ümumiyyətlə mümkün deyil. Tez-tez yıxılıb xəsarət alanlar olur. Qubanın bəzi küçələrində isə heç sınıb-dağılmış vəziyyətdə də səki yoxdur. Camaat avtomobil yolu ilə hərəkət etməyə məcbur qalırlar. Bu da tez-tez qəzalara səbəb olur. Səkilərlə bağlı başqa bir problem isə enişli-yoxuşlu dağ yoluna bənzəmələridir. Məsələ ilə bağlı Quba rayon icra hakimiyyətinə müraciət etdik. Qurumdan yaxın gələcəkdə piyadalar üçün daha rahat şəraitin yaradılacağı bildirildi. Səkilərdə maneə yaradan işıq dirəklərinə gəlincə isə, həmin dirəklərin daha müasir, nazik və maneə törətməyən işıq dirəkləri ilə əvəzlənəcəyi qeyd edildi. Görünür, Quba sakinləri və rayonun qonaqları hələ bir müddət də kələ-kötür səkilərdə irəliləməli olacaq. Əgər vəd verilən kimi irəliləyiş olacaqsa, necə deyərlər, bir qədər də səbr etməkdə fayda var. Cəfər Talıb, APA TV, Quba.
Apa.tv
OXŞAR XƏBƏRLƏR
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
Prezident İlham Əliyev Avropa Komissiyasının rəhbəri Ursula Fon der Lyayeni qəbul edəcək
Qanunsuz sahibkarlıqla bağlı cinayət məsuliyyətindən azad edilməyə dair şərt dəyişir
"Birinci Türkoloji Qurultayın 100 illik yubileyi xalqlarımız üçün tarixi əhəmiyyət daşıyır"
