Qohumunu güllələyib, silahı fermada gizlətdi
Ağcabədidə güllələnmə hadisəsi baş verib.
APA TV-nin yerli bürosu xəbər verir ki, Ağcabədi Rayon Polis Şöbəsinə şəhər ərazisində Avşar kənd sakininin qolundan yaralanması barədə məlumat daxil olub. Müəyyən olunub ki, rayon sakini Laiq İslamov yaranmış münaqişə zəminində öz qohumuna tapançadan atəş açaraq xəsarət yetirib. Keçirilmiş tədbirlərlə Laiq İslamov polis əməkdaşları tərəfindən saxlanılıb.
Onun ailə üzvlərinə məxsus fermaya baxış keçirilən zaman bir ədəd “Makarov” markalı tapança və həmin tapançaya məxsus daraq aşkar edilərək götürülüb.
Faktla bağlı Cinayət Məcəlləsinin 128-ci (Qəsdən sağlamlığa yüngül zərər vurma) və 228-ci (Qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) maddələri ilə cinayət işi başlanılıb.
Habil Aslanoğlu, Ziya İsmayılov, APA TV
Apa.tv
OXŞAR XƏBƏRLƏR
“Bu, minlərlə vətəndaşın taleyidir” – Viktor Yuşşenko
Beynəlxalq səyyahlar Azıx mağarasında olublar
Türkmənbaşıda Azərbaycan və Mərkəzi Asiya Dövlət Başçılarının 8-ci Məşvərət görüşü keçirilib
Ağdaşda xurma yığımının qızğın çağıdır
Oktyabrın 8-nə gözlənilən hava proqnozu açıqlanıb
