Qobustanda iki yük maşını toqquşdu - ÖLƏN VƏ YARALANANLAR VAR
Bakı-Şamaxı yolunda ağır nəqliyyat hadisəsi baş verib.
APA TV-nin yerli bürosunun xəbərinə görə, hadisə ötən gecə yolun 78-ci kilometrliyində, Qobustan rayonunun Ceyrankeçməz adlı ərazisində qeydə alınıb.
"Mercedes" markalı yük avtomobili qarşı tərəfdə eyni istiqamətdə hərəkətdə olan "KaMAz" markalı yük avtomobilinə arxa tərəfdən çırpılıb. Hadisə zamanı hər iki avtomobilin sürücüsü - Şamaxı sakinləri, 1975-ci il təvəllüdlü Hidayət Nuru oğlu Səlimov və 1966-cı il təvəllüdlü Neman Vasif oğlu Əliyev müxtəlif dərəcəli bədən xəsarətləri alıb. "Mercedes"in sərnişini, Qax rayon sakini, 1977-ci il təvəllüdlü Aydın Adil oğlu Qədirov isə aldığı ağır xəsarətlər səbəbindən hadisə yerində dünyasını dəyişib.
Hadisə yerinə FHN-nin xilasediciləri cəlb olunub və deformasiyaya uğramış avtomobildə sıxılmış vəziyyətdə qalan şəxsləri çıxarıblar. Faktla bağlı araşdırma aparılır.
Şahnəzər Bəşirov
Apa.tv
OXŞAR XƏBƏRLƏR
Prezident Kiçik Qaladərəsində görülən işlərlə tanış olub
Laçında Hoçaz çayının üzərində yerləşən su elektrik stansiyaları istifadəyə verildi
“Həkəriçay” layihəsi 7 rayonun içməli su təchizatını yaxşılaşdıracaq
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
