Qırğızıstan prezidenti və parlament Qazaxıstana sülhməramlı göndərməklə bağlı razılığa gələ bilmir
Qırğızıstan Prezidenti Sadır Japarov Qazaxıstandakı iğtişaşlar fonunda ölkə parlamentinə müraciət edib.
APA TV-nin xəbərinə görə, o, “Facebook” səhifəsindən deputatlara müraciət edib.
Sadır Japarov qanunverici orqanı Qazaxıstana Kollektiv Təhlükəsizlik Müqaviləsi Təşkilatının sülhməramlı kontingenti çərçivəsində qırğızıstanlı hərbçilərin göndərilməsinə mane olmamağa çağırıb.
“Biz hərbçilərimizi mitinq edən qazaxıstanlı qardaşlarımıza atəş açmağa göndərmirik. Əminəm ki, öz xalqına atəş açmayan hərbçilərimiz qardaş qazaxlara da atəş açmayacaq. Əksinə, biz onları ora stabilliyi möhkəmləndirməyə göndəririk”, - Qırğız dövlət başçısı qeyd edib.
Qeyd edək ki, ölkə parlamenti Qırğızıstan hərbçilərinin Qazaxıstana göndərilməsi məsələsini bu gün gözdən keçirməli olsa da, kvorum olmadığından iclas sabah günortaya qədər təxirə salınıb.
Apa.tv
OXŞAR XƏBƏRLƏR
Azərbaycan və Laos arasında birgə bəyanat qəbul edildi
Laos Prezidentinin rəsmi qarşılanma mərasimi oldu
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
