Qərb bölgəsində seçkiləri yerli və beynəlxalq müşahidəçilər izləyir
Gəncədə səhər saat 8-dən başlayan səsvermə prosesi hazırda da davam edir.
APA TV-ninq ərb bürosunun xəbərinə görə, qar yağmasına baxmayaraq, şəhərdə vətəndaşların rahat gəlib səs verməsi üçün bütün zəruri tədbirlər görülüb.
4 saylı Dairə Seçki Komissiyası üzrə ümumilikdə 111 məntəqə fəaliyyət göstərir ki, onlardan da 4-ü qapalıdır. 40 məntəqədə veb-kamera quraşdırılıb. Şəhər üzrə səsvermə hüququ olan vətəndaşların sayı 151 450 nəfərdir ki, onlardan da 105-i ilk dəfə səs verəcək. Gəncənin Kəpəz və Nizami rayonları üzrə Milli Məclisə 4 yer uğrunda 36 namizəd mübarizə aparır.
Gəncədə seçki prosesini 2043 yerli, 11 xarici müşahidəçi izləyir. Xarici müşahidəçilərdən 4-ü ATƏT, 5-i MDB, 2-si isə Şanxay Əməkdaşlıq Təşkilatını təmsil edir.
39 saylı Kəpəz I Seçki Dairəsinin 13 saylı seçki məntəqəsində isə 1234 seçici öz namizədlərini seçəcək. Burada seçki prosesini 23 yerli, 3 beynəlxalq müşahidəçi izləyir.
106 saylı Tovuz-Qazax-Ağstafa Dairə Seçki Komissiyasının 3 saylı məntəqəsində də seçici aktivliyi müşahidə olunur. Hazırda məntəqədə seçki prosesini 23 müşahidəçi izləyir. Məntəqə üzrə 1405 seçici qeydiyyata alınıb, onlardan 8-i ilk dəfə səs verir.
Apa.tv
OXŞAR XƏBƏRLƏR
Gürcüstana qaz təchizatı baş tutacaq
Bu şəxslər min manatdan min beş yüz manatadək məbləğdə cərimə ediləcək
Azərbaycandan tranzit keçməklə Ermənistana propan və gübrə göndərilib
Ordubadda yerləşən bu kəndin adının mənası “yox-yox” deməkdir
Ceyhun Bayramovdan Sülh sazişinin imzalanması ilə bağlı mühüm açıqlama
