Qəbələdə "Şahdağ" Milli Parkının ərazisində 4 hektar sahə yanıb
Qəbələ rayonunun Tikanlı kəndi yaxınlığında çətin keçilən dağlıq ərazidə yanğın baş verib.
APA TV-nin yerli bürosunun xəbərinə görə, bu gün "Şahdağ" Milli Parkının ərazisində baş verən yanğının söndürülməsi üçün əraziyə Fövqəladə Hallar Nazirliyinin Dövlət Yanğından Mühafizə Xidmətinin yerli bölmələrinin əməkdaşları, Aviasiya dəstəsinin 2 ədəd helikopteri, Ekologiya və Təbii Sərvətlər Nazirliyinin Meşə təsərrüfatı idarəsinin əməkdaşları cəlb edilib. Yanğının söndürülməsi üçün təcili və təxirəsalınmaz tədbirlər həyata keçirilib.
Günorta saatlarında başlayan yanğın axşam saat 19:00 radələrində söndürülüb. Yaxınlıqdakı meşə zolağı yanğından mühafizə olunub. Hadisə zamanı "Şahdağ" Milli Parkının ərazisində 4 hektar sahədə kol-kos, quru ot və ağac qırıntıları yanıb.
Yanğının kim tərəfindən törədildiyi hələ ki, məlum deyil.
Faktla bağlı araşdırma aparılır.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
