Qazi futbolçular: “Vətən uğrunda döyüşdüyümüz kimi yaşıl meydanda da döyüşəcəyik”
Azərbaycanın amputant futbolçulardan ibarət yığması Avropa çempionatına hazırlaşır. Yığmanın 3 üzvü I və II Qarabağ müharibəsi iştirakçılarıdır. Onılar savaş zamanı ermənilərin mina terrorunun qurbanı olublar. Lakin həyat stimulları sınmayıb. Savaşda, döyüş meydanınada Azərbaycan bayrağını ucaldan döyüşçülər indi də yaşıl meydançada bu müqəddəs amal üçün çalışırlar. Hər bir oyun həm də onların əzmkarlıq və özlərinə inamlarını artırmaq üçün bir fürsətdir. Amputant futbolçuların komandadakı həmrəyliyi onların ruhən nə qədər güclü olduğunu göstərir. Azərbaycan komandası Şotlandiyada keçirilən Millətlər Liqasında iştirak edib. Niderland, Şotlandiya, Albaniya və Kosovo komandaları ilə mübarizə aparan futbolçular qrupu 2-ci pillədə tamamlayaraq 2024-cü ildə Fransada təşkil olunacaq Avropa Çempionatının final mərhələsinə vəsiqə qazanıblar. Qeyd edək ki, yığmamız Avropa çempionatının final mərhələsində ilk dəfə iştirak edəcək. 16 komandanın mübarizə aparacağı final mərhələsində Dünya çempionu Türkiyə ilə yanaşı İngiltərə, Fransa, İspaniya, İtaliya, Almaniya və Polşa kimi güclü millilər var. ORXAN ASLAN VÜSAL QƏMBƏROV APA TV
Apa.tv
OXŞAR XƏBƏRLƏR
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
Prezident İlham Əliyev Avropa Komissiyasının rəhbəri Ursula Fon der Lyayeni qəbul edəcək
Qanunsuz sahibkarlıqla bağlı cinayət məsuliyyətindən azad edilməyə dair şərt dəyişir
"Birinci Türkoloji Qurultayın 100 illik yubileyi xalqlarımız üçün tarixi əhəmiyyət daşıyır"
