“Qarabağ” "Omoniya"nı Kiprdə darmadağın etdi
Konfrans Liqasında qrup mərhələsinin II turunun oyunları çərçivəsində “Qarabağ” növbəti avrokubok matçına çıxıb.
Azərbaycanın avrokuboklarda mübarizəni davam etdirən yeganə təmsilçisi, qitənin üçüncü dərəcəli klub turnirində Kipr “Omoniya”sı ilə görüşüb. Birinci turda İsveçrə “Bazel”i ilə qolsuz heç-heçə edən Qurban Qurbanovun yetirmələri ilk səfərdən qələbə ilə dönməyi bacarıb.
Kiprlilər birinci hissədə hesabı açsa da, fasilədən sonra buna 4 qolla cavab verən “Qarabağ” möhtəşəm geridönüş edərək, aktivindəki xalların sayını 4-ə yüksəldib.
Qeyd edək ki, qrupun digər oyununda “Bazel” “Kayrat” üzərində 4:2 hesablı qələbə qazanıb.
Bununla da turun görüşlərindən sonra klubların UEFA reytinqi açıqlanıb.
Avropanın ən yaxşı 100 komandası arasında Azərbaycanın yalnız bir təmsilçisi yer alıb. Bu, Ağdamın “Qarabağ” klubudur.
Kipr “Omoniya”sı ilə oyuna qədər 71-72-ci yerləri bölüşən təmsilçimiz artıq 69-72-ci pillələrə şərikdir.
Apa.tv
OXŞAR XƏBƏRLƏR
Tozun miqdarı normadan artıqdır – Tozlu hava neçə gün davam edəcək?
Məktəb ideoloji mübarizə meydanı deyil, ELMİN VƏ SAĞLAM İNKİŞAFIN MƏKANIDIR
İlham Əliyev və Mehriban Əliyeva Vyetnamın Vitse-prezidenti ilə görüşdülər
Bakının mərkəzində kəlağayı ilə yürüş keçirilib
Media və Yayım Şurası AÇIQLAMA YAYDI
