Prezident “Dövlət satınalmaları haqqında” yeni qanunu təsdiqlədi
Dövlət satınalmalarının vahid internet portalından istifadə üçün ödənilən istifadə haqqı müəyyənləşdiriləcək.
APA TV xəbər verir ki, bu, Prezident İlham Əliyevin fərmanı ilə təsdiq olunan “Dövlət satınalmaları haqqında” qanunda əksini tapıb.
Fərmana əsasən, Nazirlər Kabineti dövlət satınalmalarının vahid internet portalından istifadə üçün ödənilən istifadə haqqının və təklifləri təqdim etmək üçün ödənilən iştirak haqqının məbləğlərini, onların ödənilməsi, geri qaytarılması və ödənilmiş vəsaitlərin bölgüsü və onlardan istifadə qaydalarını dörd ay müddətində təsdiq edib Azərbaycan Respublikasının Prezidentinə məlumat verəcək.
Eyni zamanda NK 4 ay müddətində açıq tender, ikimərhələli tender, qapalı tender və kotirovka sorğusu metodları üzrə təchizatçıların həmin Qanununun tələblərinə uyğunluğunun qiymətləndirilməsi meyarlarını da müəyyənləşdirməlidir.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
