Paşinyan erməni icmasi ilə görüşməkdən imtina edib
Mayın 31-də Moldovanın paytaxtına gedən Ermənistanın baş naziri Nikol Paşinyan Kişinyovun erməni icması ilə görüşməkdən imtina edib. Bu barədə “Hraparak” qəzetinə Kişinyovdakı erməni icmasının rəhbəri Venera Muşeq məlumat verib. Muşeqin sözlərinə görə, ləğv edilən görüş iyunun 2-də yerli vaxtla saat 10:00-da Manuk Mirzoyanın ev-muzeyində keçirilməli imiş. Görüşün təxirə salınmasının səbəbi barədə məlumatsız olduğunu deyən icma rəhbəri bəzi təfərrüatları da açıqlayıb: "Görüşdə iştirak edəcək şəxslərin siyahısında ilk olaraq diaspor rəhbəri kimi mənim adım yazılmışdı. Amma sonra adımın üstündən xətt çəkdilər ki, belə bir adam tədbirdə olmamalıdır. Buna etiraz olaraq cavab verdim ki, mən Moldovada erməniləri təmsil edirəm. Baş nazirə suallarım var. O zaman niyə görüşdə iştirak etməməliyəm?”, - deyə Muşeq bildirib". Xatırladaq ki, Nikol Paşinyan Fransaya səfər edən zaman da oxşar problem yaranmışdı. O zaman Parisdəki erməni icması onunla görüşdən imtina etmişdi.
Apa.tv
OXŞAR XƏBƏRLƏR
Süni intellekt məhkəmə sisteminə daxil olur – Nə dəyişəcək?
Şuşada Azərbaycan, Türkiyə və Gürcüstan müdafiə nazirlərinin üçtərəfli görüşü keçirilib
İnam Kərimov hakimlərlə bağlı danışdı: "100 min nəfərə 7 hakim..."
“Ailəsi ilə əlaqə saxladı, 15 dəqiqə sonra şəhid oldu” - Qanlı döyüşlərdən zəfərə
ADEX 2026-nın ikinci günündən maraqlı görüntülər
