Oğanın səsinin neçə faizi Ərdoğana gedəcək?
Bu bəyanatlar öz siyasi gələcəklərini formalaşdırmaq üçün vacibdir.
Axar.az məlumat yayıb ki, bunu “Sonar” araşdırma şirkətinin rəhbəri Hakan Bayraqçı keçmiş prezidentliyə namizəd Sinan Oğan və Zəfər Partiyasının sədri Ümid Özdağın qərarları ilə bağlı danışarkən deyib.
“Ümid bəy tərəfsiz qalsa, onu və partiyasını uğurlu gələcək gözləyir. Sinan Oğanın yığdığı 5,17% səsin 4.1%-i yüksək ehtimalla Rəcəb Tayyib Ərdoğana gedəcək. Heç bir izahat bu bölgünü dəyişdirməz. Açıqlamalar yalnız onların siyasi gələcəyində tutacaqları mövqe üçün vacibdir”, - Bayraqçı bildirib.
Qeyd edək ki, ötən gün ATA İttifaqının prezidentliyə keçmiş namizədi Sinan Oğan seçkilərin ikinci turunda Cümhur İttifaqının namizədi Rəcəb Tayyib Ərdoğanı dəstəkləyəcəyini bildirib.
ATA İttifaqının əsas aparıcı partiyası olan Zəfər Partiyasının başqanı Ümid Özdağ isə seçimini bu gün edəcək. Onun Millət İttifaqını (Kamal Kılıçdaroğlu) dəstəkləyəcəyi ehtimal edilir.
Apa.tv
OXŞAR XƏBƏRLƏR
Təhsildə rəqəmsal inqilab: Rəqəmsallaşan təhsil sistemində hansı yeniliklər var?
Azərbaycanın beynəlxalq nüfuzu Prezidentə etimadı gücləndirir
Uşaqların onlayn təhlükəsizliyi üçün yeni addım atıldı
İki ölkənin nazirlikləri arasında əməkdaşlığın genişləndirilməsi müzakirə edildi
Ursula fon der Lyayen Azərbaycana işgüzar səfərə gəldi
