Novruz şənlikləri keçiriləcək məkanlarda operativ yanğın-texniki müayinələr aparılıb
Fövqəladə Hallar Nazirliyinin (FHN) Dövlət Yanğın Nəzarəti Xidməti səlahiyyətlərinə uyğun olaraq, ölkədə yanğın təhlükəsizliyinin təmin edilməsi istiqamətində müvafiq tədbirlərin görülməsini davam etdirir.
FHN-dən APA TV-yə verilən xəbərə görə, Dövlət Yanğın Nəzarəti Xidməti tərəfindən respublikanın şəhər və rayonlarında Novruz şənlikləri keçiriləcək qapalı və açıq məkanlarda yanğın təhlükəsizliyi tələblərinin təmin olunması ilə bağlı operativ yanğın-texniki müayinələr keçirilib.
Müayinələr zamanı ilk növbədə tədbir keçiriləcək məkanlarda yanğın mühafizə sistemlərinin mövcudluğuna, sazlığına, yanğına qarşı su təsərrüfatının, ilkin yanğınsöndürmə vasitələrinin işlək vəziyyətdə olmasına, fövqəladə hal zamanı insanların təxliyəsinin düzgün təşkili imkanlarına diqqət yetirilib.
Fövqəladə Hallar Nazirliyi bayram şənlikləri zamanı yanğın təhlükəsizliyi qaydalarına ciddi əməl olunmasının vacibliyini bir daha xatırladır.
Apa.tv
OXŞAR XƏBƏRLƏR
İlham Əliyevin Kambocanın Baş naziri ilə geniş tərkibdə görüşü oldu
Azərbaycan və Kamboca arasında sənədlərin mübadiləsi mərasimi olub
Prezident İlham Əliyev Kambocanın Baş nazir Hun Maneti qarşıladı
İlham Əliyev Rusiyanın Çeçenistan Respublikasının başçısını qəbul etdi
Bakının yaddan çıxan təbiət guşəsi – “Pitomnik”dən REPORTAJ
